SCHOOL DONATIONS

Jong Bonaire | Kondishon pa Kumpra | Sitemap | Webdesign | Libreronan So | Donashon | English

JJBbanner750p
item14a1 item14a3 item14a item14 item14b item14a2 CART
Interview
bookside2
JB

Tokante Betty Ratzlaff-Henriquez

BettyRatzlaffHenriquez3Su entrego na e idioma Papiamentu a kuminsá na 1949 ora el a yega Aruba komo un di promé trahadónan pa hubentut bou e organisashon konosí komo TEAM. El a kuminsá ta kolektá palabranan i pone su ekivalente i su splikashonnan banda di 1958 ora el a kuminsá siña Papiamentu na otronan na Aruba. El a kuminsá e promé edishon di e dikshonario aki na 1985, net trinta aña despues, ora e tabata traha pa Radio Trans Mundial siñando Papiamentu na e empleadonan di TWR. E direktor di TWR a establesé un Fundashon i a publiká e dikshonario na 1992.

Huntu ku su kontribushon na e idioma, e outor ta bon konosí na tur tres islanan ABC pa su ministerio den kampamentu ku hubentut ku a kuminsá na 1960. Na aña 1964 el a funda Centro Juvenil Washington na Aruba. Rekonosementu pa e trabou aki a wòrdu duná na 1979 ora el a risibí e rekompensa di e “Woman of the Year” pa e sinku korantnan mayor di Aruba, i pa e Gobernador di Aruba, Su Ekselensia Sr. Frans Figaroa na nòmber di e Gobièrno di Aruba, i Gobernador interino Su Ekselensia Sr. Reme Zandaam. Na aña 1987, Su Mahestat, Reina di Hulanda a bishitá e Sentro aki i Ratzlaff-Henriquez a wòrdu introdusí na e Reina i el a felisit’e riba e Sentro.

Pa mas òf ménos 40 aña i piku el a biba mas tantu den kasnan Antiano i a usa Papiamentu komo su idioma primaria. Durante e añanan ei tambe el a agregá vokabulario di e idiomanan Spañó i Hulandes serka e Ingles i Aleman ku ya e tabata sa.

Na 1997 el a baha ku penshon i a bolbe na su pais nativo Canada ma en realidat e no a laga atras e islanan di Antia. Un aña despues el a uni ku Bicento Henriquez nativo di Aruba, kende tabata un amigo di hopi aña, ku a perdè su esposa despues di mas ku 50 aña di matrimonio. Desde e tempu ei nan a biba na ambos Aruba i Canada ma nan ta bolbe Aruba na e fin di aprel 2008. Ei e mayoria di Bicento su yunan i nietonan i bisanietonan ta biba.

Desde nan union matrimonial, Betty i Bicento a traha huntu ariba varios proyektonan inkluiendo e revishonnan i adishonnan na e Di Dos Edishon di e Dikshonario Papiamentu-Ingles aki. Otro proyektonan ta publikashon di un kolekshon di inspirashon skirbi pa Bicento i ta diseñá pa Betty. Nan a lansa un website (www.bbhenriquez.blogspot.com) pa nan mensahenan spiritual invitando puebel pa konektá i bishitá i “post” preguntanan.

Betty tambe a skirbi un buki na Papiamentu titulá “Centro Juvenil Washington 1965-1995 – Trinta aña di Historia.” Esaki ta tokante e Centro pa Hubentut i Lugá di Kampa ku el a funda i tabata direktor di dje pa 15 aña. E buki aki tokante e outor su sentro por ser buská “on-line bvratzlaff@gmail.com  ku CJW30 den “subject line.”

LIBRERONAN SO E DIKSHONARIO E OUTOR JONG BONAIRE DONASHON PA SKOLNAN Interview Interview