SCHOOL DONATIONS

Jong Bonaire | Kondishon pa Kumpra | Sitemap | Webdesign | Libreronan So | Donashon | English

JJBbanner750p
item14a1 item14a3 item14a item14 item14b item14a2 CART
Interview
JB

E programa di Jong Bonaire despues di skol

kidswbooksJong Bonaire ta un programa pa despues di skol pa hobennan kual ta ya operando desde 1999 proviendo un atmosfer sigur, strukturá pa e isla su studiantenan di SGB. Kreando propio rèspèt, propio konfidensia, i propio disiplina ta tres meta importante ku Jong Bonaire tin.

Aktividatnan na Jong Bonaire ta inkluí yudansa ku tarea pa kas (hùiswerk), kompiuter, deporte, drama, i interakshon den komunidat, prevenshon di droga, arte i obra di man, músika i hopi otro mas. E programa di Sertifikashon di Sambuyamentu (Scuba Diving) ta solamente un di e programanan ku ta yuda e hobennan prepará pa oportunidatnan pa haña trabou den e ekonomia di Bonaire. Papiamentu ta e idioma prinsipal di e sentro aki.

Otro miembronan ta eksplorando e posibilidat di un dia bira un enfermera. Miembronan di Klup Sosial ta gasta tempu na e kas pa hende grandinan i na hòspital yudando e enfermeranan i e pashèntnan. Otronan ta yuda na e lugá di kuida animalnan, kriando i bañando animalnan. E hobennan ta siña pa ofresé nan mes i duna bèk na nan komunidat miéntras nan ta eksplorá opshonnan pa kareranan posibel. Un otro grupo ta siña tokante di nutrishon i kon pa prepará kuminda.

Disiplina positivo ta e prinsipio òf base di operashon òf aktividat di Jong Bonaire. E ta un sistema ku ta rekompensá i ta reforsá bon kondukta. E hobennan ta siña masha lihé ku nan ta haña mas atenshon pa kondukta positivo ku pa nan aktonan negativo. Tur programanan ta diseña pa traha i mantené un konekshon entre e Sentro i e famianan. Durante henter aña tin anochinan dediká pa tene aktividatnan pa famia i mayornan pa asina fortalesé e relashonnan familiar.

E Sentro tin un staf di ocho profeshonalnan i un grupo di trahadónan “part-time” i boluntarionan ku ta proveé un proporshon efektivo di staf i hobennan. E invershon aki den un staf profeshonal ta permití Jong Bonaire pa sirbi den un manera responsabel e hobennan i nan famianan ku un programa bon variá.

E nesesidat pa donashonnan ta sigui konstantemente, pasobra e Staf i e Direktiva ta hasi tur esfuerso pa sigurá ku ningun hoben ta wòrdu ekskluí pa motibunan ekonómiko. Si un mayor no por paga e kobransa moderato di kada luna, spònsernan ta wòrdu buská pa e hoben ei por sigui komo miembro. Pasobra e kontribushon ku hopi hoben mester paga ta ménos ku Nafl 15 ($8.00) pa luna, e Sentro no por sostené su mes ku kobransanan di miembresia solamente, ma e tin ku dependé ariba donashon di afó pa e volúmen di su finansia (fondo).

Si bo ke hasi donashon na Jong Bonaire, klik aki.
Mash danki pa boso sosten!

Jong Bonaire
Kaya Simon. Bolivar 16
Kralendijk, Bonaire Netherlands Antilles
tel: +599-717-4303 fax: +599-717-6467
manager@jongbonaire.org
www.jongbonaire.org

LIBRERONAN SO E DIKSHONARIO E OUTOR JONG BONAIRE DONASHON PA SKOLNAN Interview